Enda-í-enda dulritun

Skilaboð eru ævinlega dulrituð

Skilaboð eru geymd á póstþjónum ProtonMail á dulrituðu formi. Þau eru einnig send dulrituð á milli póstþjóna okkar og forrita notendanna. Skilaboð á milli notenda ProtonMail fara einnig dulrituð innan hins örugga póstþjónakerfis okkar. Þar sem skilaboð eru dulrituð á öllum stigum meðhöndlunar, er áhættu á að einhver komist inn í sendingarnar svo til útrýmt.

Enginn aðgangur að gögnum notenda

Við höfum engan aðgang að gögnunum þínum

Uppbygging kerfisins þannig að ProtonMail hafi engan aðgang að gögnum notenda, þýðir að gögnin þín eru dulrituð á þann hátt að þau eru okkur óaðgengileg með öllu. Gögn eru dulrituð á tæki notandans með dulritunarlykli sem við höfum engan aðgang að. Þetta þýðir að okkur er tæknilega ómögulegt að afkóða skilaboðin þín, og þar af leiðandi er okkur gert ókleift að afhenda nein slík gögn til þriðja aðila. Með ProtonMail er gagnaleynd ekki bara loforð, heldur stærðfræðilega tryggt. Að þessari ástæðu er okkur einnig gert ómögulegt að endurheimta nein gögn fyrir þig. Ef þú gleymir lykilorðinu þínu, getum við ekki bjargað neinum gögnum fyrir þig.

Dulritunartækni með opnum grunnkóða

Þrautreynd dulritunaralgrím sem hægt er að treysta

Við notum eingöngu öruggar útfærslur af AES og RSA ásamt OpenPGP. Ennfremur eru öll dulritunaraðgerðasöfn sem við notum með opnum grunnkóða. Með því að nota slík opin aðgerðasöfn getum við ábyrgst að dulritunaralgrímin séu ekki með duldum innbyggðum bakdyrum. Opinn hugbúnaður ProtonMail hefur verið vandlega yfirfarinn af öryggissérfræðingum víðsvegar að úr heiminum til að tryggja bestu mögulegu vernd fyrir afskiptum óviðkomandi aðila.

Lærðu meira um ProtonMail og opinn hugbúnað

Öryggi á vélbúnaðarstigi

Full dulritun diska og geymslurýmis í öruggum gagnaverum

Við höfum ráðist í miklar fjárfestingar til að eiga og reka okkar eigin vélbúnað fyrir netþjóna, sem staðsettir eru í Sviss, svo að gögnin þín séu ekki geymd í tölvuskýi. Gagnaver okkar eru undir ströngu öryggiseftirliti þar sem eingöngu lífkenna skynjari veitir aðgang að. Þetta veitir viðbótaröryggi svo enginn óviðkomandi eigi möguleika á að nálgast dulkóðaða tölvupósta þína. Varðandi kerfin sjálf, þá nota netþjónar okkar dulkóðaða harða diska, sem krefjast margra lykilorða til að veita aðgang, þannig að öryggi gagnanna er tryggt jafnvel þótt einhver kæmist yfir vélbúnaðinn.

Nafnlaust

Engin rakning eða skráning á persónugreinanlegum upplýsingum

Ólíkt öðrum þjónustum í samkeppni við okkur, þá skráum við ekki neinar rekjanlegar upplýsingar. Sjálfgefið skráum við ekki lýsigögn á borð við IP-vistföngin sem notuð eru til innskráningar inn í notendaaðganga. Þar sem við höfum enga leið til að lesa dulritaðan tölvupóst, getum við ekki streymt einstaklingsmiðuðum auglýsingum. Til að vernda gagnaleynd notendanna, krefst ProtonMail ekki neinna persónuauðkennanlegra upplýsinga við nýskráningu.