Nbennu Internet yemmestanen tabaḍnit, di tazwara seg imaylen.

Nekni d imassanen, d ijenyuṛen akked ineflayen icerken yiwet n tmuɣli: Ammesten n tlelliyin n yal yiwen di web. Ɣef waya i nerna ProtonMail, ameẓlu n yimayl aɣelsan s tɣellist werǧin yella ar ass-a. Iswi-nneɣ d bennu n Internet yettqadaren tudert tusligt, d ummesten mgal n uẓdam di Internet.

Ad nebges akken ad nesnefli ifecka ilaqen i ummesten n isefka-ik. Tarbaɛt-nneɣ tesdukel tamusni n tusnakt d ttiknikin tineggura i d-yusan seg tuddswin n unadi ifazen deg umaḍal. Lwaḥid, ad nebnu tiywalin tiwgelhanin ar zdat.

Snirem timahilin-nneɣ n tɣellist Ɣer ablug-nneɣ

TAQACUCT

 

Dr. Andy Yen

CEO/Founder

Andy yesɛa ugar n 8 n iseggasen n termit di tsenselkimt tawzawazt i yisnasen n tfizikt n ibelkimen. Andy yella d amnadi di CERN si 2009 ar 2015, anida temlal terbaɛt yesbedden ProtonMail. Ɣur-s Duktura di Tfizikt akked ugerdas di Tdamsa di Caltech.

Dr. Bart Butler

CTO

D amuzzig deg uwgelhen, Bart Butler d ajenyuṛ di ProtonMail. Yexdem di CERN rebɛa n iseggasen d amnadi di Large Hadron Collider. Ɣur-s Duktura di Tfizikt n ibelkimen si Stanford udiɣ yella d amnadi seld duktura di Harvard.

ASEFREK

 

Dingchao Lu

Technical Operations

Dingchao isselḥay tarbaɛt n yimayl akked usekles yellan deffir n tɣellist n usmel web. Yesɛa agerdas n jini taliktrikt si Caltech udiɣ ɣur-s agerdas n Master di tsenselkimt si USC. D win iḥemmlen daɣen tikli di beṛṛa d wurar n Ddamma.

Dr. Jan Veverka

Infrastructure

Jan yelha-d deg ammasen n isefka, Tadumṣukt n iqeddacen d ifecka n tɛessast. Yella d amnadi di CERN udiɣ d adukturan di MIT, ilha-d deg termit CMS. Jan isɛa Duktura di Tfizikt di Caltech akked ugerdas deg Tfizikt si tesdawit RWTH Aachen.

 

Richard Tetaz

Front-End

Richard, n Fransa udiɣ isedday tarbaɛt-nneɣ n ijenyuṛen front-end. Yelha-d di tira n tengalt zeddigen, icebḥen, tamellilt. Ayen iḥemmel d timerna n ifarisen ucbiḥen akked uxeddim d yimdanen yelhan. Isɛa 7 n iseggasen n termit di tneflit n yisnasen Web uddisen.

Yanfeng Zhang

Software Architect

Feng yelha-d di Tadumṣukt, afeṣṣel aziraz, d tnedlisin n uwgelhen. Isɛa ugar n 10 n iseggasen n termit deg urar d lexlaṣ di tkebbaniyin n ttiknulujiyin timaynutin deg umaḍal. Feng d amussnaw ameqqran di tneflit n yisnasen izirazen d ufeṣṣel n iseɣzanen.

 

Dino Kadrikj

Mobile

Dino d aneflay aziraz s ddeqs n iseggasen n termit di tneflit n yisnasen uddisen. D netta i d amasay n isnasen izirazen ProtonMail u daɣen yeṭṭaman tarmit tazirazt ifazen. Dino yezga-d deg tnarit-nneɣ n Skopje, di Masidwan.

Samuele Kaplun

ProtonVPN CTO

Samuele yesɛa asileɣ deg tsenselkimt taẓrayant. Seld 12 n yiseggasen deg CERN deg lebni n yinagrawen i tsengama n tnezmart tunnigt, yewweḍ-d ɣer Proton deg tazwara akken ad ittekki deg terbaɛt n tallelt akked yifecka-nniḍen akk i izemren ad snernin amɛiwen deg Proton s timmad-is. Seg wunbir 2018 d netta i d aqerru n terbaɛt n ProtonVPN.

 

Violeta Kochoska

Customer Support

Tanemhalt n umeẓlu n tallelt, Violetta txeddem s lqerban akked ineflayen akken ad tegzu ayen iceɣben iseqdacen-nneɣ sakin ad sen-d-naf tifrat ifazen. D tajenyuṛt, ɣur-s agerdas di tsenselkimt udiɣ tḥemmel tussna tasugna akked usikkel.

Seb Pere

Head of Sales

Seb issedday timahilin-nneɣ n tnezzut, ula d azenzi, taneflit n yimahilen d tsetratijit. Ɣur-s turagt deg tdamsa, majister deg telzuzit, MBA sɣur tasdawit n Cikagu But. Send Proton, yella d amcawer deg tsetratijit, d aremmas, daɣen d amussnaw deg uzenzi d telzuzit.

 

Antonio Gambardella

Advisor

Antonio d akatar yesɛan ugar n 15 n iseggasen n termit deg usefrek. D netta i d anemhal n uwelleh, yettwwellih tastṛatijit-nneɣ d timhalin-nneɣ. Antonio d anemhal di FONGIT, yiwet n tesbeddit yettmuddun afus i usnulfu i lfayda n timurt di Juniv akked unabaḍ afidirali n Swis.

Giacomo

Advisor

Giac d aremmas s wugar n 20 n yiseggasen n termit deg ujmaɛ n yidrimen seg ugzum amaẓlay, taneflit n yimahilen, azenzi, taɣwalt talzuzit d usefrek deg waṭas n temguriyin. Iḥemmel ad yallel Proton ad yaweḍ ɣer yiswiren-nniḍen.

 

Wali imdiqen n uxeddim yellan

Tebɣiḍ ad terreḍ Internet d amdiq anida tezwar tudert tusligt?

Aql-aɣ nettnadi imdanen ifazen yebɣan ad bnun internet aɣelsan akked tudert tusligt.

Ɣef titiknulujiyin Proton

Seg wasmi i d-ilul ProtonMail, Proton Technologies AG tuɣal d tamezwarut di tɣellist srid. Ass-a, d nekni i d amessis ameqqran deg umaḍal n yimaylen iɣelsanen s wugar n umelyun n iseqdacen. Ar tama n tkebbanit-nneɣ i d-yezgan di Geneve, Swis, nella daɣen di San Francisco (CA) akked Skopje (Masidwan). tilin-nneɣ tagraɣlant teǧǧa-yaɣ ad neḍmen tallelt n 24/24 n yisragen i yiseqdacen-nneɣ.

Numen d akken tudert tusligt akked tɣellist d azalen imaḍalanen izegren tilisa. Imussnawen-nneɣ usan-d seg umaḍal meṛṛa. Ttmeslayen taglizit, tafṛansist, talmanit, taṭelyanit, taspanit, tačikit, tamasidunit, tarumanit, tacinwat akked trusit.

ProtonMail refden-t ugar n 10 000 n yimdanen deg umaḍal ittekkan deg umzizzel n ugmer n tawsa. Nekkni daɣen nettwarfed sɣur Charles River Ventures et (FONGIT), tasbeddit n Geneve i usnulfi atiknulujikan tasbeddit ur yettnadin ara tadrimt yettwarefden sɣur taseqqamut n ttiknulujit d usnulfu i ubaɣur n yimdanen. Twelleh-aɣ daɣen MIT Venture Mentoring Service.

Takebbanit Proton Technologies AG di Geneve, Swis
Awi amiḍan-ik aɣelsan
Rnu amiḍan

Proton Technologies AG

Route de la Galaise 32,
1228 Plan-les-Ouates
Geneva, Switzerland

Amatu: Sken-d imayl
Amidya: media@protonmail.com
Usḍif: legal@protonmail.com
Amendid: partners@protonmail.com

Taɣellist: security@protonmail.com

Azen-aɣ-d imayl akken ad tawiḍ tasarut-nneɣ tazayezt PGP ma tebɣiḍ ad aɣ-tazneḍ s ufus imayl PGP awgelhan. Neɣ rmed JavaScript akken ad ad tt-twaliḍ.


Atɛeddi: abuse@protonmail.com
I tuttriwin n teɣdemt/tamsulta
sit dagi

I yisutar n tallelt, rzu ɣer
protonmail.com/support