Awgelhen si tazwara ar tagara

Iznan d iwgelhanen si ṭṭerf ar ṭṭerf

Iznan ttujemɛen deg iqeddacen n ProtonMail s talɣa tamiḍant. Ttuceyyeɛen daɣen s talɣa tamiḍant ger iqeddacen-nneɣ akked wallalen n useqdac. Iznan ger iseqdacen n ProtonMail ttuceyyaɛen daɣen s talɣa tamiḍant deg uẓeṭṭa n uqeddac-nneɣ iɣelsen. Acku isefka zgan d imiḍanen deg yal taseddart, aqemmeṛ n uḥwaṣ n yiznan ur d-yettili ara akk.

Ulac Anekcum ɣer Isefka n Useqdac

Ur nezmir ara ad nekcem ɣer yIsefka-inek yettuwegelhen

Tasegda "zero access" n ProtonMail lmeɛna-s belli isefka-inek ttuwgelhen s yiwet n talɣa ur aɣ-yettaǧǧan ara ad nizmir ad nekcem ɣur-sen. Isefka ttuwgelhen si tama n ukelyan s tallelt n tsarut n uwgelhen wuɣur ur nesɛa ara abrid. Aya yebɣa ad d-yini dakken ur nesɛi ara tazmert tatiknikant i tɣuri n iznan-inek, ɣef aya ihi d awezɣi ad nizmir ad nefk isefka-inek i walbaɛd. Akked ProtonMail, tudert tabaḍnit ur tella ara kan d awal maca tettwaḍmen s wudem usnak. Ɣef aya daɣen ur nezmir ara ad d-nelqeḍ isefka. Ma tettuḍ awal-ik uffir, ur nezmir ara ad d-nerr isefka-inek.

Awgelhen n Uɣbalu Yeldin

Ilguritmen n uwgelhen ttwaɛerḍen yerna ṣeḥḥan

Nesseqdac kan isbeddiyen iɣelsanen n AES, RSA akked OpenPGP. Yerna akk timkarḍiyin n uwgelhen i nesseqdac, d tid n uɣbalu yeldin. S useqdec n temkaṛḍiyin n uɣbalu yeldin, nezmer ad neḍmen iwerzimen n uwgelhen i nesseqdac ur sεin ara tiwwura yeffren. Aseɣẓan n uɣbalu yeldin ProtonMail ittwasenqed s umata sɣuṛ yimazzayen n tɣellist n umaḍal akken ad neḍmen iswiren εlayen n umesten.

Lmed ugar ɣef ProtonMail diɣ Aɣbalu Yeldin

Aswir n tɣellist n Hardware

Awgelhen ummid n uḍebsi akked uḥraz deg wammasen n isefka iɣelsanen

Aṭas i nessefti i wakken ad uksab d usenqed n warrum-nneɣ aqeddac deg waṭas n yimeḍqan deg tmurt n Switzerland i wakken isefka-nwen ur ttṛuḥun ara ɣer usigna. Ammas-nneɣ n isefka agejdan yezga-d yimeḍqan iɣellsanen aṭas i yesran anekcum byumitric. Ayagi ad d-yefk aswir unnig n umesten ara iḍemnen imaylen-nwen yettwawgelhen ad yiwɛir i wiyaḍ unekcumɣer-sen. Ayen yeɛnan anagraw, iqeddacen-nneɣ seqdacen iḍebsiyen iqquranen yettwawgelhen s waṭas n tisiyin n wawalen uffiren i wakken taɣellist n yisefka ad teqqim xas yettwakkes-aɣ warrum-nneɣ.

Udrig

Ulac aḍfar neɣ asmeḥtitel n isallen udmawanen izemren ad d-banen

ProtonMail imgarrad ɣef imzizwar-ines, imi nekni ur nesseklas ara isallan n uḍfar. Si tazwara, ur nesseklas ara idfersefka akka am tansiwin IP i yettwasqedcen i tuqqna ɣer imiḍanen. Imi ur nesɛi ara ttawil iwakken ad nɣer imaylen iwgelhanen, ur nettazen ara iznan n udellel. I wakken ad iḥrez tabaḍnit n iseqdacen, ProtonMail ur yesri ara isallan udmawanen i welday n umiḍan.